قلمي أنا ؟!

بس قبل ما تبلشوا بحب اسال كل الي بقرأ مين بحب المدرسة أو كان بحب المدرسة ؟؟؟ بالنسبة الي انا بحبها ! بدكوا تعرفوا ليش أنا بحبها قبل ما أحكيلكوا ليش بحبها بحب أحكيلكوا أنو المدرس أو المدرسة مش عدوكوا ولا أنتا وياه ضراير ولا هو بسعى انو يكرهك بالمدرسة بس هو بحاول قدر الأمكان انو يدخل هل المعلومات براسك فهوه مش هتلر ولا  تشاكي ؟ والمدرس أو المدرسة بحب أنو يشوف الطالب بشتغل  وفهمان وبحاول ينتج أشي ! والمعلم أو المعلمة همه ناس عاديين ومش جاي من على زحل ولا جاي من أورانوس وهمه بزعلوا وبتعبوا وبجوعوا وبعطشوا كمان فمن حقهم لما أنتا تكون قاعد بتلعب وهوه عم يشرح والمرارة تاعيتوا بدها تفقع من حقوا يضربك   ! والمدرس والمدرسة ما بحبوا أشي أسموا غش و – غششني شكرا - وحتى ما نغش قدر الأمكان أسمعوا هل 4خطوات : حاولوا تنتبهوا قدر الأمكان على الأستاذ وهوه يشرح أتجنبوا أي أشي ممكن يخليكوا تزعلوا وتتضايقوا ليلة الأمتحان ويخليكوا ما تدرسوا وتغشوا حاولوا أنكوا تدرسوا كثير كان في امتحان ولا ما كان في امتحان فلما تدرسوا كثير بصير في عندكوا خلفية عن المعلومات وقت الأمتحان بس بتصير تتذكر...

الغش كلمة بنسمع فيها كثير وفي منا بطبقها كمان كثير بس نحنا ما بنعرف شو معناها ولا شو حرمتها ... الغش صارت ظاهره منتشرة في كل جامعاتنا ومدارسنا على حد سواء وغير هيك صار أمر متفاخر فيه . فكم منا قدم بحوث وتقارير ما بيعرف ايش جواتها ولا بعرف عنها اشي غير انو اسمو مكتوب على الغلاف وكم منا أتهم أصحابوا بأنهم ما بيعرفوا معنى الأخوة س لانو ما غششوا في الأمتحان ... فلهيك موضوعي اليوم هو عن الغش ... تعريف الغش في القانون : هو أن يخدع أو أن يحرم شخص من حق أو منفعه بطرق وأسالييب احتياليه والغش هو صوره من صور السرقه رح تحكولي كيف رح أحكيلكوا أنو لما تغش معلومه من صاحبك بغير رضاه أو برضاه أنتا سرقة جهده وتعبه وسهره وهو يدرس . والغشاشين في منهم أنواع : 1-      الطالب الغشاش وهاد نوع كثير منشر في مدارسنا وجامعاتنا ورح نحكي عنوا بعدين . 2-      المراقب الغشاش :رح تسألوا كيف المراقب بكون غشاش المراقب بكون غشاش لما يترك الطلاب يغشو في الأمتحان و إذا كان يعني أبو العريف بالماده الي بقدموا فيها الطلاب بغششهم هو غشاش ليش غشاش غشاش لأنوا لم...