بالعربي
بالعربي بحب أحكيلكو كونوا مبدعين
بالعربي أحكيلكو لا تنسوا أرضكوا إلي عم تعيشوا عليها
بالعربي بحب أحكيلكوا لا تنسوا أختنا الكبيرة
بالعربي بحب أحكيلكم أنو العام هاد بالنسبة لل99 كلنا عم نعيش صفقة أختم ال 14 وعيش ال 15
بحب أحكيلكوا بالعربي أنو عم ينظر إلينا من المجتمع على أنا نحنا جيل قادم محطوط فينا أمل كبير والعالم العربي بترجى أنو ما يصغر هاد الأمل فلا تخلوا هاد الأمل يصغر ولا تكونوا أنتو الي بتتبروا من شخصيتكوا العربيه وبتغيروها أنا ما بحكي هون أنكوا ما تلبسوا وما تمشطوا شعركوا وما تكونوا Funky بس لكل أشي حدود فنحنا مش الناس الي بتلبقنا نلبس البناطيل الساحلة لأنو نحنا أصل الرجولة ومش نحنا الي بلبقنا نعمل بشعرنا فتحات وشوارع لانو نحنا زمان الي ما كان يلبس شماغ على راسو كان ما يقعد بين الرجال ومش نحنا الي بلبقنا نحكي مع فلانة وتانية وثالثة لانو نحنا دينا الي أمر بحفظ النساء ومش نحنا الي بلبقنا نحكي الحكي الي ما بنحكى الا من ولاد الشوارع لانوا نحنا الي حكينا لسانك حصانك أن صنته صانك
وبالعربي بحب أحكيلكوا أنو فلسطين عم تنتهي وسوريا عم بتموت والعراق عم بصرخ فلا تنسوهم
وبالعربي بحب أحكيلكوا أنو إسرائيل عم تاكل أرضينا العربية على أقل من مهلها
وبحب أحكيلكوا بالعربي أنو لسا فينا بذرة مزروعة أسمها بذرة العربي فسقوها احسن ما تموت
وبالعربي بحب أحكيلكوا أنو كل واحد فينا عندوا قدرة أسمها قدرة التفكير فشغلوها وبحب أحكيلكوا بالعربي أنو فلسطين أخت الأردن ولازم على كل واحد فينا يتذكرها وبحب أحيكلكوا بالعربي أنو زمان كان لما يحكوا الأردن يحكوا معها فلسطين بس هسا صرنا نحكي إسرائيل و فلسطين ...
وقبل ما انهي بحب حدى يحكيلي أيش أعراب إسرائيل وفلسطين :
إذا ما عرفتوا بحب أحكيلكو أنو أعرابها :
إسرائيل : اسم نكره غير مقترن بضمير لا يمكن أن يكون مبتدأ لأنه لا يجوز الابتداء بحقير لا يأتي الأ مكسور فلا هامة ترفع له ولا قامة لتنصب هو دائما و ابدا مجرور
أما فلسطين فهي اسم ممنوع علية الهوان مرفوع دائما لا يمكن أن تجر بالتالي استحالة أن تكون مكسورة عندها يبدأ الكلام وفي عشقها ينتهي كل الكلام ...
وبالأخير بتمنى تمموا صفقة أنهي ال14 وعيش ال15 على خير وتكون صفقة تأمن الوطن العربي
معتصم ناصر شلول
مقالة بالعربي بواسطة معتصم ناصر شلول مرخص بموجب
تعليقات