بتعرف كيف

بواسطة -
بس قبل ما تبلشوا بحب اسال كل الي بقرأ مين بحب المدرسة أو كان بحب المدرسة ؟؟؟
بالنسبة الي انا بحبها !
بدكوا تعرفوا ليش أنا بحبها قبل ما أحكيلكوا ليش بحبها بحب أحكيلكوا أنو المدرس أو المدرسة مش عدوكوا ولا أنتا وياه ضراير ولا هو بسعى انو يكرهك بالمدرسة بس هو بحاول قدر الأمكان انو يدخل هل المعلومات براسك فهوه مش هتلر ولا  تشاكي ؟
والمدرس أو المدرسة بحب أنو يشوف الطالب بشتغل  وفهمان وبحاول ينتج أشي !
والمعلم أو المعلمة همه ناس عاديين ومش جاي من على زحل ولا جاي من أورانوس وهمه بزعلوا وبتعبوا وبجوعوا وبعطشوا كمان فمن حقهم لما أنتا تكون قاعد بتلعب وهوه عم يشرح والمرارة تاعيتوا بدها تفقع من حقوا يضربك   !
والمدرس والمدرسة ما بحبوا أشي أسموا غش و – غششني شكرا -
وحتى ما نغش قدر الأمكان
أسمعوا هل 4خطوات :
حاولوا تنتبهوا قدر الأمكان على الأستاذ وهوه يشرح
أتجنبوا أي أشي ممكن يخليكوا تزعلوا وتتضايقوا ليلة الأمتحان ويخليكوا ما تدرسوا وتغشوا
حاولوا أنكوا تدرسوا كثير كان في امتحان ولا ما كان في امتحان فلما تدرسوا كثير بصير في عندكوا خلفية عن المعلومات وقت الأمتحان بس بتصير تتذكر تذكير لانو بتكون عارف المادة .
واسأل مدرس المادة عن أي أشي بالمادة مش عارفة أو حاسة صعب وما تستسهل أي اشي لانو بالامتحان ما بتقدر تتوقع شو ممكن يجيك .


التعامل مع المعلمين برأي علم قائم بحد ذاته:

فمثل كل البشر للمعلمين أنواع منهم :
العدواني
العنيد
القيادي
وغيرهم كثير .
ويعد التعامل مع المعلمين او مع الناس بشكل عام هو من أهم الفنون الموجودة نظرا لاختلاف أطباع الناس وأساليبهم .
ومن الصعب أنا نحوز على احترام المعلم أو المعلمة ومن السهل أنا نخسروا وزي ما بنحكا  (الهدم أسهل من البناء)
وحتى تحب المدرسة لازم تحب الي بالمدرسة فحتى تحب الي بالمدرسة لازم هما يحبوك كمان أنا هون ما بحكي عن أصحابنا بحكي عن المعلمين  فاللمعلمين قواعد مش لازم نتجوازها :
مش أي حكي ممكن ينحكي للمعلم ففي حكي مش لازم يخرج من نطاق –أصحابي-
والمعلم على الأغلب ما بحب الأسئلة الخارجة عن موضوع الحصة فأجلها لنهاية الحصة أو لما تلاقية وأنتا مروح
رصع حديثك مع أستاذك بالباقة والطرافة والحكمة ولا تخلية بايخ وما الو لازمة لأنو أغلب المعلمين ما بحبوا الحكي الفاضي
حتى تجني العسل لا تهدم خلية النحل هي النصيحة الرابعة  فالمدرسين على الأغلب بحبوا التعامل العفوي الغير مخلوط بالسخافة والي لا يتجاوز حدود التعامل

المعلم محب للحوار :

المعلم بحب أنو الطالب يسألوا عن شغلات وما عندوا مشكلة لو صار في حوار  بس الحوار مع معلمك بختلف تماما عن أي حوار ثاني :
حوارك مع معلمك خلية فيه جدية وما تنزع الطرافة من الخلطة
خلي النقاط القائم عليها الحوار نقاط تلامس أفكارك وأفكار أستاذك
لا تكون طفل أستاذك في الحوار وخلي رأيك يكون يلعب دور

تسقط تعبيرات موافقك :
مش لازم تكون موافق الأستاذ في كل أشي بحكي فإذا كان في حكي أستاذك غلط صحح وما تكون الطالب نعم ... نعم لأنوا برأي طالب نعم ... نعم هو بس هيك بس حتى يحبوا المعلم ويجني علامات فإنتا ما تكون هاد النوع و إبتعد عن هاد النوع كمان وخلي رأيك موجود ولا تتجاوز الحدود

بعد هيك :

أتذكر دائما حدودك مع أستاذك فلما تعرف حدودك و تتعامل مع أستاذك بشكل يليق بمكانته أتأكد أنو رح يحبك زي ما بتحبوا ورح يصير يقدرك ويحرص على أنك تكون رقم 1 بمساندته لألك ...
بالأخير لو سألتوا ليش خليت كل نقاطي 4 ومش 5 زي الروتين الموجود بحب أحكيلكوا أني حبيت أنكو تحطوا لمستكوا لخاصة بالتعامل مع أستاذكوا  لأنوا كل طالب بعرف أيش هو أستاذوا
وطبعا أستاذكوا قبل ما تعتبروا أستاذكوا أعتبروا أخوكوا أبوكوا أو حدا بتحبوا  ولا تنسا أنك تعيد على بيومو لانو كل أستاذ بستحق منا التقدير ...
وإذا بدكوا تعرفوا ليش أنا بحب المدرسة بحبها لأني على مدى 6 سنين لقيت معلمين أحسن من هيك ما فيه حبيتهم  أكثر من حالي فشكرا لأنهم درسوني وأستحملوني وخلوني حس أنهم زي أخوتي الكبار فشكرا الهم كثير ...


معتصم ناصر شلول
 بحب بالأخير أحكي شكرا لكل واحد درسني وعم يدرسني وشكر خاص لــ :
أستاذ بركات علي شلول 
المكان: Irbid, Jordan

تعليقات

إرسال تعليق

المشاركات الشائعة من هذه المدونة

موطني

بواسطة -
صورة
موطني الأردن  أنا من مواطني الأردن من  الصحيح أن بلدي ليس بذلك البلد الذي تملئة الزهور فبلدي يعاني من التصحر و قلة المياه  ومن الصحيح أن بلدي لا يمتلك تلك الجبال الخضراء التي تلبس الثوب الأبيض في الشتاء ومن الصحيح أن بلدي ليس بالمكان الذي يصبح في الصباح على رائحة القهوة الزكية المختلطة مع صوت فيروز ومن الصحيح أن بلدي ليس المكان الجيد الذي تجد فيه تلك باقات الورود الحمراء المتناثرة هنا وهناك أو الذي عندما تلجأ إلى ريفية تجد فيه البيوت الريفية الجميلة التي تعودنا رؤيتها في الأفلام ولست بتلك المناطق التي تحوي الطواحين التي تعزف تلك المقطوعة من قبل أنهارها - فكما ذكرت ليس لدينا الكثير من المياه - . لكن في الأردن وجدانا الحضن الدافئ الذي ضم العرب كلهم ولم يفرق بين هذا وذاك ووجدنا رائحة الحضارة العريقة تنبعث من بين بيوتها ووجدنا سر الحياة الذي غرس في حدائق قلوبنا من الصغر ... الذي كل ما ابتعدنا عن منطقتنا بدأ يبكي كطفل أخذ من حضن أمه ... فهو مكان مليء بالذكريات بالنسبة لكل أردني وعلى الأغلب لكل شخص عربي لم يجد مكان في بلدة فنادته الأردن مرحبة فهو مكان أولى خطوات على أرض عري
قراءة المزيد

قيس وليلي |Qais W Laila

بواسطة -
صورة
قبل سنة واربعة حروف من الان حين ارتكب أجمل مصائبه واهداها نفسة حين لعنته لفتنته وذابت بين كلماته *** في أول لقاء حين كان مغرياً وفاتناً حين كانت تسترقه في نظرات في أول لقاء حين تواعدا على أن يمران بمحاذات الحب دون أن يصافحاه دون أن يقبلاه أن يمران دون أن يلامساه في أول لقاء حين تزينت عيناه الخضراوين بها حين أطلق ضحكته الفاتنة لرؤيتها حين أصبح وجهه أكثر إشراقاً مما هو حين بدت رجولته فاتنه بثوب أسود في أول لقاء حين ارتجفت بمروره بجانبها حين ساعدها عطره على التنفس حين اشتهت ملامسة يديه وتقبيل خديه *** في أول شتاء حين تصافحا حين اكتشفا حواسهما لأول مره حين تشاركا ذات النفس في أول شتاء حين تلحفا ببعضهما حين قبلها لأول مره حين احتضنته لأول مره *** في عيدها حين اشتها أثمن الهدايا لها حين غلف الهدايا بقبله في عيدها حين رفضتها حين خالفته لأول مره حين رفضها ايضا ولم يحتفظ بها في عيده حين لم تكن حين اشتهاها عيده حين ابكته *** في أول سنة حين أقسم إلا يعذب نفسه بها ولا أن تعذب
قراءة المزيد